KUMT PËR FJALËN E VRARË...!!!

KUMT PËR FJALËN E VRARË

(Poetit Havzi Nela i varur më 1988 në Kukës)

Në mes të vargut fjalës i vunë pikë

I mbyllën dhe gojë e i ndaluan dritë

Me hekur e zinxhir i bënë fjalës rojë

Burgjeve e errësirave i mbyllën dhe gojë

Fjalën e burgosën deri në qeli

Brenda katër mureve që koha të grijë

E vranë në çdo shkronjë në presje në pikë

Në fjalën e bardhë që përhapte dritë

Mbi balline sajë frynë me zjarr e hekur

Ta digjnin shkëlqimin e një kohe tjetër

Dritën që rrezonte atje mbi Pikëllim

Ku dielli me rreze përhapë shkëlqim

Shkëlqimit të sajë dridhet e lëkundet

Kështjellës feudale i lëvizën gurët

I lëvizën gurët tek bie ngadalë

Shkëlqimit të fjalës si bën dot më ballë

Se shkëlqimi i sajë me dritë Helsinki*

Tiranit mizor maskat ia grisi

Mbi atë shkëlqim tirani tërbohet

Luftë i shpallë fjalës rrezes i tmerrohet

Në mesin e vargut dritën kur e panë

Me tërbim mesjete përmbi fjalën ranë

Para mesit të natës shpirtin ia vranë

E vranë edhe fjalën e i mbyllën gojë

E vrau me natë tirani mizor.

           

Gëzim Ajgeraj

                                       2008, Prizren

*Vetëm pak vite më vonë, nga vrasja e poetit Havzi Nela, në atdheun e shqiponjave, hapëroi liria e fjalës...

Burimi:http://letersishqipe.npage.de/poezi-kumt_p%C3%8Br_fjal%C3%8Bn_e_vrar%C3%8B_5342787.html